O pasado 19 de marzo os alumnos de 3º eso B do CPI Castro Baxoi de Miño que levan a cabo unha actividade de radio en Radio Miñoca entrevistaron ao seu profesor Antón Prego, membro de Ardóbriga. As preguntas foron de moito interese a valeron para que os rapaces máis novos coñezan as nosas actividades e proxectos de primeira man.
lunes, 31 de marzo de 2014
UN VERTEDOIRO NO BREAMO
Un novo verquido de lixo, desta vez entullos e restos de obra, amenaza o entorno da capela se San Miguel, no cumio do monte Breamo, con coverter este monumento declarado BIC (Ben de Interese Cultural) nun vertedoiro incontrolado máis dos que abondan polos montes da contorna.
A asociación Ardóbriga deu parte hai xa tempo da existencia destes verquidos perante o SEPRONA, pero nada se fixo dende entón. Resulta moi difícil saber quen está detrás destes atentados contra o Patrimonio Cultural e Natural da nosa comarca, pero máis difícil resulta comprender como, existindo puntos de recollida de desperdicios, estes vanse depositar nun lugartan senlleiro como este, supoñemos que con alebosía e nocturnidade. Os prexuizos que causan estes atentados á sociedade toda son de difícil cuantificación, a imaxe que ofrecemos como sociedade a os non poucos visitantes que se achegan a este monumento é a dun país terceiromundista que non é quen de protexer axeitadamente os seus máis valiosos bens patrimoniais.
Os restos que deixan os romeiros despois de cada festa non son menos gravosos para a integridade do entorno do santuario.
Observando con perspectiva paisaxista estes atentados contra o Patrimonio e o medioambiente non son menores que outro que se ben xestando lentamente dende hai moitos anos: a invasión abusiva do monocultivo silvícola do eucalipto. O aspecto dos nosos montes non é o que debería ser e a diversidade ecolóxica dos mesmos dista moito de ser a que lle correspondería.
Suscribirse a:
Entradas (Atom)